政棍靠得住，豬乸都會上樹？話說現任(唔知幾時又換人啦) 英國首相辛偉誠，喺佢競選保守黨黨魁時，承諾過會關閉喺英國嘅孔子學院，卒之藉住打反中牌成功勝選。不過，政棍講嘢，聽完就算啦！喺5月17日，英國政府表示，現時關閉孔子學院係「不相稱」嘅做法，咁即係點？有英媒就形容，咁係代表辛偉誠扭軚掟彎飄移U-turn，即係反口囉！
咁又係呀，大多數西洋政棍，喺選嗰陣大開空頭支票，贏咗之後就「當我冇講過」啦！依家辛偉誠做咗首相，面對經濟危機，唔通仲走嚟同中國過唔去咩？想振興經濟，同中國做生意先係正途。想搞好政績交張靚嘅成績表，仲邊可以打反中牌？
不過呢，西洋政棍啲嘴臉話變就變，唔知幾時又再扭軚，大家都係抱觀望態度，睇吓點啦！
原圖：辛偉誠Facebook、孔子學院網頁截圖
https://www.facebook.com/photo/?fbid=2645813962354947&set=a.467561268259107
投票已截止，多謝支持
返回
