使用者名稱
使用者電郵
密碼
確認密碼
年齡
性別
Generic placeholder image
想收到的資訊
  • 時事
  • 投資
  • 生活
喜歡的資訊
  • 編輯推介
  • 時事新聞
  • 博客
  • 投資
  • 趣味影片
  • 生活
教育水平
  • 小學
  • 中學
  • 大學
  • 碩士
  • 博士
常用的社交媒體
  • Facebook
  • 微博
  • WeChat
  • Whatsapp
  • Twitter
  • Line
  • Instagram
確認

我們會發送內含重設密碼連結的通知信給您

確認

博客

韓國總統外交進退失據 情傾美國恐陷兩難困境

2023.04.22 14:00 博客 葉鳴

任憑風浪起 ,穩坐釣魚船。當今國際局勢動盪,可是朝鮮領導人金正恩一於無你咁好氣,最近不停發射威力無比嘅洲際彈道導彈,理論上可以到達美國本土嘅任何地方。此外,金正恩也向外公布了一種新的水下無人機,聲稱可以用佢係海底發射核武器,從而引發一場「超大規模嘅放射性海嘯」,摧毁敵人嘅戰艦。要言之,北韓似乎肯定要銳意向前,發展比過去更加多樣和致命嘅武器。

不久前,金正恩仲帶同女兒金主愛視察國家宇宙局開發局(NADA),指示組建非常設嘅衛星發射籌備委員會,以確保能夠如期發射第一顆已完成製作嘅軍事偵察衛星1號,同時推進衛星項目嘅準備工作,爭取接連發射並部署多夥偵察衛星,增強偵察和情報收集能力。據悉朝鮮可能喺本月26日,即下周三美國和韓國總統尹鍚悅國事訪問美國前後發射衛星。有唔少人會質疑北韓嘅衛星水平,之但係唔好忘記,朝鮮近期與俄羅斯進行國防合作,衛星技術水平或許大有進展,沒人可以說得準或猜得透!金正恩好多嘢都令人估唔到!唯一可以肯定嘅係佢視美國佬為「紙老虎」!

反觀韓國總統尹錫悅就窩囊得多,佢自2022年5月上任以來,韓日兩國嘅司局級外交官員,就強徵勞工賠償問題啟動咗頻繁磋商,被在野嘅進步陣營攻擊為「屈辱外交」;尹鍚悅一味為日本說好話,甚至厚顏指日本已從過去嘅軍國主義侵略者,變成同韓國有共享嘅普世價值!這樣一個連「國格」都可拋嘅政客,被國民指罵佢究竟係日本人抑或係韓國人!更被韓國反對黨領導人李在明指斥,話佢令韓國國格跌入谷底,令佢好似聽到日本嘅嘲笑聲!

尹錫悅連日本都極之討好獻媚,佢下周國事訪問美國,可想而知,對住美國呢個軍事強國,肯定更搖尾討好!呢,果不其然,英媒日前刋出佢嘅專訪,尹錫悅話韓國政府研究咗點樣協助烏克蘭防衛與重建,如果發生國際社會不能容忍嘅情況,例如針對平民嘅大規模攻擊、大屠殺或嚴重違反戰爭罪行嘅行為,韓國可能擴大對烏援助人道主義和經濟支援!好心啦!自己係國內民望插水,放着正經事唔去做,以為全盤倒向韓美同盟,美國就會充作保護傘應對朝鮮嘅核威脅,這只是尹錫悅一廂情願,有學者就憂慮最後令韓國陷入進退兩難嘅「陣營化困境」!

美國佬「唔熟唔食」!一向「忠心無誠,盡出於偽」,一味要「美國優先」,尹錫悅一注重押山姆大叔,再後悔時恐怕已經太遲了!

原圖:尹錫悅Twitter

https://twitter.com/President_KR/status/1592019449594646529?s=20

 

文章純屬作者個人意見,並不代表本報立場。

投票已截止,多謝支持

發表意見

排列方式: