使用者名稱
使用者電郵
密碼
確認密碼
年齡
性別
Generic placeholder image
想收到的資訊
  • 時事
  • 投資
  • 生活
喜歡的資訊
  • 編輯推介
  • 時事新聞
  • 博客
  • 投資
  • 趣味影片
  • 生活
教育水平
  • 小學
  • 中學
  • 大學
  • 碩士
  • 博士
常用的社交媒體
  • Facebook
  • 微博
  • WeChat
  • Whatsapp
  • Twitter
  • Line
  • Instagram
確認

我們會發送內含重設密碼連結的通知信給您

確認

博客

馬克龍相信中國靠得住
並非中國文化薰陶之功

2023.04.16 23:00 博客 葉鳴

法國總統本月5日至7日訪華取得豐碩成果,雙方簽署咗近40項政府間協議和商業合作;雙方共同發表嘅聯合聲明更首次包括深化解放軍南部戰區與法國軍隊太平洋區之間嘅對話。呢,馬克龍8日結束訪華行程後,喺專機上對傳媒表示,歐洲要避免因台灣議題被捲入美中衝突之中,強調歐洲戰略自主,唔應該跟隨美國。

有人笑稱,未知是否喺廣州松園飲過中國好茶,欣賞古琴家李蓬蓬以唐琴「九霄環佩」演奏古琴《流水》,果然頭腦特別清醒,胸襟份外廣闊,佢重提其歐洲戰略自主概念,目的就係讓歐盟成為第3強權,並指出歐洲應該減少「美元的治外法權」,而法國將扮演前線角色。一曲古琴,一口靚茶,使馬克龍「慎思明辨」,中國文化好嘢!

馬克龍吃過老美嘅虧。2021年,澳洲突然取消與法國嘅巨額核動力潛艦交易,轉而與美英合作後,馬克龍怒批美國「背信忘義」,召回駐美、澳大使!自此,馬克龍深知美國絕不可靠,佢唔會好似其他國家如英國、荷蘭等瞎起哄,佢係迄今為止,冇全面禁用華為5G設備嘅僅有嘅西方大國。呢,早前法國道達爾公司更喺上海油氣交易中心,完成歐盟國家首單人民幣液化天然氣(LGN)交易。反之,歐盟委員會主席馮德萊恩雖然與馬克龍同時訪華,不過佢對中國態度一向強硬,訪華前夕依然出言不遜,尤其對台海局勢說三道四,被國家主席習近平強硬回應,噴到一面屁,佢訪華就一日遊貨色,中方並冇特別招呼佢。

歐美猛烈攻擊馬克龍

馬克龍「情傾」中國而遠離美國呢個「小人」並非貿貿然。佢講出歐洲要行第三條路,唔好追隨美國,應該亦料到會引來歐美嘅強烈回響。呢,芬蘭駐比利時大使館顧問便批評馬克龍無權代表整個歐盟,歐盟並冇比以往更需要中國;與此同時,Twitter 出現一個新詞macroning,意指「刻意增加對中國依賴,同時以天真和提高歐盟戰略自主的需求向歐洲夥伴說教」。

事實上,人各有志,法國既然係歐盟之強國,除德國可與並肩外,佢講過嘅說話自亦有一定份量。筆者又唔相信飲吓中國靚茶、聽吓古琴、唔結領帶嘅無拘無束會談,就會左右到馬克龍嘅思維!大家如不善忘,早喺2014年11月,時任美國總統奧巴馬訪華,習近平就係中南海瀛台設夜宴,與奧巴馬於寒風中散步,據悉兩人從光緒皇帝嘅命運,談到中美兩國嘅命運,兩人輕鬆笑談被稱為「瀛台夜話」;又如2017年11月,時任總統特朗普訪華,習近平與夫人彭麗媛招待特朗普夫婦,特意係故宮內「寶蘊樓」安排茶敍,並看京劇及賞文物。

各位,呢啲「非正式會晤」一樣無拘無束,可對美國總統似乎作用唔大,甚至可以話全無反應,睇吓特朗普其後對中國之狂徵關稅和科技制裁無所不用其極就知!馬克龍只係深信中國靠得住,與受中國文化薰陶無關也,不必過於渲染也。

原圖:Emmanuel Macron Facebook影片截圖

文章純屬作者個人意見,並不代表本報立場

 

投票已截止,多謝支持

發表意見

排列方式: