使用者名稱
使用者電郵
密碼
確認密碼
年齡
性別
Generic placeholder image
想收到的資訊
  • 時事
  • 投資
  • 生活
喜歡的資訊
  • 編輯推介
  • 時事新聞
  • 博客
  • 投資
  • 趣味影片
  • 生活
教育水平
  • 小學
  • 中學
  • 大學
  • 碩士
  • 博士
常用的社交媒體
  • Facebook
  • 微博
  • WeChat
  • Whatsapp
  • Twitter
  • Line
  • Instagram
確認

我們會發送內含重設密碼連結的通知信給您

確認

博客

萬象更新 在乎慎始 新年寄望 切勿輕生

2023.01.26 23:00 博客 葉鳴

新春期間,今年疫限撤銷後,市面看到久違了的人潮擁擠,街上唔少市民大包細包,一抽二拎的購買應節食品,師奶小姐們手捧鮮花,無不令人感到今個兔年,確實有了生氣!

筆者相信,要是知道疫情解封來得那麼快,相信賀歲煙花及花車巡遊,可以趕及復常,尖沙咀、中環維港岸邊又擠滿看熱鬧嘅人潮,在兔年獻瑞、喜氣洋洋嘅圖案中綻放璀璨煙火,照亮了久違嘅笑容,嘩嘩聲此起彼落,必定令抗疫3年嘅香江多添一些幸福!

前輩說,星移斗轉,時序在變,「天道」變,人們的命運何能不變?百幾十年來的中國人,特權階級除外,其遭際可謂苦矣!但好在年年「過年」,遂年年有個新希望,即使難過也要過,於是「恭喜發財」。這真是慧語,想想家無隔宿之糧的如王小二、張三李四,即使談不上「過年」,但也要圖一個吉利。哼!老子今年不發財,來年可發財!總之,希望在人間!看看年初三嘅賀歲馬,11場賽事投注額逾20億,創回歸後新高,就知年年「過年」,年年有個新希望,日子點都易過啲!

活着才可以希望在人間

之不過,世事無絕對,筆者日前讀到一則「香港女子移民英國,疑憂陷財困自殺亡」,心情感到十分沉重。據英媒報道,佢去年4月移居英國後,至同年11月獲發現死亡,終年27歲。驗屍官當天公布,死者係自殺身亡,並形容對方聰明,卻因生活拮据而死,情況非常不幸。資料顯示,死者2017於香港取得學士學位, 2019年在瑞士日內瓦完成碩士學位。2021年4月,佢透過英國國民(海外)護照( BNO )移居英國,喺一間慈善機構工作。照計咁年輕,又有咁嘅學歷和工作經驗,係香港找分工作應不難,起碼不至於「因生活拮据而死」!活着,才可以希望在人間,如此輕生,就只能一切隨風!

呢嗱!前香港眾志秘書長黃之鋒因民主派初選案還押,連續3年喺獄中過年;佢嘅面書日前分享1月1號所寫嘅信,提到每日都有做運動保暖,最近「私飯」每周有一晚食枝竹羊腩。阿哥,普通人都未必每周有一晚食枝竹羊腩啦!一個羊腩煲最平都要百多二百蚊!唔係個個食得起㗎!佢仲趁新年向大家送祝福,喺信中寫上「新年進步 平安順心」。仲有啊,立法會前議員邵家臻不久前又探過因初選案還押嘅民主黨尹兆堅,佢透露阿尹最近多做運動,體重回升,仲開始有少少胸肌,更難得嘅係不再受腰患困擾,要拉筋紓緩痛楚。阿哈,果然應了「坐監令人生更精彩」呢句箴言!所以話,「香港幾好都有,點捨得走」絕對唔係吹水唔抹嘴!筆者有理由相信當年千方百計出走嘅一衆黃人如許智峯之流,一定後悔死了!

新的一年,萬象更新,在乎「慎始」,眼前無路想回頭,大可以再回流香港,生命寶貴,活在當下,切不可輕言放棄!這是筆者新年送給大家嘅寄望和互勉!

原圖:星島日報

https://std.stheadline.com/realtime/article/1900094/

投票已截止,多謝支持

發表意見

排列方式: