虎去兔來！未來一年，都唔使問阿貴，必更不確定和危機處處！

呢，俄烏戰事，雙方動作頻頻，西方供烏方武器升級，俄方一再換帥，冇一絲停火跡象！不久前，按照烏克蘭的說法，烏東地區嘅第聶伯羅，一座大型民宅被俄Kh－22導彈摧毀，23人死亡，救援人員從廢墟中救出咗38名幸存者。之不過，俄方消息就稱，呢啲死傷係烏軍防空導彈幹的！

各位，類似嘅互相指摘去年都唔知發生過多少次！兵慌戰亂，最無辜嘅還不是平民百姓？政客只顧權力，「宅心不正，濫用祿位」，那管生靈塗炭，舉國哀嚎？正如有人指出，今年不會世界和平，世界只會更風雲變色，皆因愛無事生非嘅政客太多，一旦進入政治圈，浮沉名利權勢，戀棧難去的，通常都冇好下場；睇通時局，及早收手，毅然歸園田居，可逍遙安樂以終，「去者逍遙來者死，乃知禍福非天為」，適當時候退下，唔好將權力視為強烈催情劑，有心冇力盞辛苦自己！

然而，政客從來覺得自己係超人，睇吓80歲嘅美國總統拜登仲要出來競選連任就知，可惜佢深陷「文件門」，筆者相信如今存有變數，如果佢因而縮沙歸園田居，筆者反而恭喜佢！畢竟知所進退，得以延壽，更可享受夕陽晚境，斜陽裏氣魄更壯，為人生烙下一段難忘嘅回憶，何樂而不為？

日本攪局「印太」 意在中國

當然，世界變得危險，政客不從歷史吸收教訓亦係主因。呢，像日本便「不安於室」，其首相岸田文雄政府自去年12月更改《國家安全保障戰略》、《防衛計劃大綱》和《中期防衛力整備計劃》3份安保文書，其中《國家安全保障戰略》係最高級別安保綱領，更係10年來首次修訂將「最大戰略挑戰」由北韓改為中國，可見對中國的全面敵視已完全浮上面，而日本亦明刀明槍指向中國！岸田文雄不久前嘅歐洲五國之行，又倡日意英三國攜手，共同研發第六代隱形戰機F-X，係日本首度與美國以外國家嘅軍備合作，此外，則係與英揆辛偉誠簽署「相互准入協定」，即係允許雙方相互部署軍隊，首度允許美國之外嘅外國軍隊進入日本，被稱作係日英兩國逾一世紀以來最重要嘅防衛協定。日本全心投入「印太」攪局，劍指中國，盲嘅都感覺到啦！

當今局勢，美國及西方國家一味對中國「喊驚」，其實係充滿冷戰思維！呢種沿用冷戰時期兩大敵對嘅軍事集團對抗性嘅思維模式，而非平等協商嘅模式處理國際問題，其實相當無知！皆因要同中國做生意，覬覦中國14億人民嘅大市場，又要搞冷戰思維，倒頭來損失嘅係自己！日本則無大籌碼卻又要搞大買賣，太不自量力了！有道是「有花方酌酒，無月不登樓」，與其到處瞎折騰，不如搞好自己民生經濟吧！

原圖：岸田文雄Twitter、拜登Facebook、素材網

https://twitter.com/kishida230/status/1583267154803429377/photo/2

https://www.facebook.com/photo.php?fbid=157266920211144&set=pb.100077835098866.-2207520000.&type=3