世局風雲變色，冇一刻予人感覺「風平浪靜」，政客唔搞事，就好似難以活在當下！

呢，《日經新聞》不久前報道，美國正在敲定一項計劃，把對日本嘅安全保護傘延至太空，保護用於軍事監察和行動嘅重要衛星，加強威懾中國和俄羅斯云云。

報道又話，擴大保護傘範圍由《美日安保條約》嘅第五條所涵蓋。條文規定，日本行政管轄下嘅領土受到攻擊，美國有義務保護日本。新規定生效後，日本嘅衛星將受美國保護。美國不管自身國內經濟蕭條，疫慌、雪災嚴重；係國際舞台漸失焦點，連沙地阿拉伯都唔聽佢支笛，更加「情傾中國」，實在好冇癮！之不過，美國好做世界警察嘅作風不變，依然好做架樑！世界便變得永遠多事！

英國柯林斯字典選出Permacrisis（長期危機）為年度字，呢個字近兩年頻頻出現，由permanent (永遠）和crisis (危機）合併而成，意思係長期不穩定和不安全。筆者覺得最應景，疫慌3年以來，當一個史無前例嘅衝擊快要結速，人們彷佛看到曙光之際，另一個動盪便接着發生。

呢，踏入新一年，世界並沒有甚麼新氣象，反之，俄烏戰事有升級迹象；朝鮮半島核危機持續升溫，北韓領袖金正恩掦言幾何級數增加核彈數量，那邊廂南韓聯合參謀本部宣布設立核大殺傷力武器應對本部，負責反制北韓核導及大殺傷力武器等。

如今，日本進一步交「保護費」，把老美大腿抱得更緊，日相岸田文雄以為「有覺好瞓」？日本除大幅增加防衛預算，更修改安保政策，容許軍方擁有「反擊敵方領土嘅能力」，可動用射程超過一千公里嘅長程巡弋導彈，近排頻頻與非地區夥伴係俄羅斯邊境周邊舉行大規模軍事演習；應係窺準俄羅斯此刻忙於打擊烏克蘭，分身乏術，是以乘機耀武一番，亦一吐「北方四島」落係俄羅斯之手始終「條氣唔順」之烏氣！之不過，如此攪動印太風雲，掦威不成恐玩火焚身！

天下本無事 ，庸人自擾之

一如筆者所指出，日本就係「天下本無事 ，庸人自擾之」嘅人版，明明中方喺外交上一直向日本伸出橄欖枝，國家主席習近平曾指出，中方願同日方一道，從戰略高度把握好兩國關係大方向，構建契合新時代要求嘅中日關係。可惜岸田文雄好似中咗美國嘅降頭，呢頭表示，日中作為近鄰，互不構成威脅，需要也應該和平共處；仲話日本嘅發展繁榮離不開中國，日中合作擁有很大潛力，兩國對地區和全球和平繁榮負有重要責任。

之不過一個屈尾十，就同美國打得火熱，如此不誠無物，只會自討苦吃！呢，美國著名歷史學家如提出「修昔底德陷阱」而聞名於世嘅Graham Allison都認為美國實際外強中乾，不論係經濟發展或軍事上，都冇能力真正可以遏制中國！日本連「西瓜偎大邊」也不懂，盲舂舂至此，怎會有好下場！《廣場協議》令日本經濟萬劫不復嘅教訓還不夠嗎？日本從來冇從歷史中得到教訓！哀哉！

原圖：岸田文雄Twitter

https://twitter.com/kishida230