如果有得揀，邊會有人鐘意喺異國他鄉畀人歧視？近年喺內地發展嘅吳啟華日前接受內地節目訪問自爆，當年遠赴英國讀書嘅時候，曾經慘遭當地人種族歧視，除咗畀人叫語帶侮辱嘅「Chink」之外，甚至試過喺條街度畀人打！吳啟華坦言，1997年香港回歸祖國令佢身份認同問題一掃而空，更立即北上內地置業長住添！佢話，喺內地住得好舒服，而且最緊要嘅係，令佢覺得「做返一個中國人」！

年少時，吳啟華藉著父親係警察嘅便利，接受英府贊助一半學費負笈遊學。但吳啟華話，當地有好嚴重嘅種族歧視現象，就連佢嘅「鬼仔」老友都會同佢講出『我哋大英帝國，你哋區區殖民地』嘅說話云云。

同一啲對1997回歸存在疑慮嘅港人唔同，吳啟華當時好開心香港可以回歸祖國，更身體力行，回歸後就返上內地買樓並長住。當時正值佢事業低潮期，但佢話，喺內地嘅生活好開心，「有國先有家」。近年佢長住喺廣東中山，佢大讚當地生活質素高，而且物價又低。

吳啟華講得好！與其離鄉別井，受盡歧視，不如北望神州，闖出新天！

原圖：TVB微博圖片、素材網

https://weibo.com/1955190431/MnoQkvX7j?refer_flag=1001030103_

https://elements.envato.com/night-view-of-london-at-fog-LTU8BCQ