美國為打擊中國高科技和產業鏈,正進行「脫勾」、貿易戰、限制出口等抵制措施,無所不用其極。中國係著名嘅「世界工廠」,但喺中美科技競爭激烈下,日媒《日經新聞》報道,美國電腦製造商戴爾(Dell)正計劃喺2024年實現所有產品唔再使用中國製造嘅晶片,即使係非中國晶片製造商但係喺中國生產嘅晶片亦不能倖免。
據報戴爾除咗要實現所有產品晶片都喺中國以外地方生產,仲要求其他供應商包括印刷電路板、電子模塊等其他組件嘅供應商,提高佢哋喺越南等其他國家嘅產能。
另有知情人士透露,戴爾嘅美國競爭對手惠普(HP)亦已開始同一評估部署。呢兩間美國電腦製造商嘅電腦產品,目前大部份都係喺中國組裝。
雖然中國過去幾十年得益於全球化成為「世界工廠」,但係依家地球村嘅產業鏈格局下,各種生產鏈密不可分,你中有我,我中有你,美國政客硬要迫使美國企業杯葛中國製造,到頭肯定只會落得搬石頭砸自己對腳嘅結局!講到底,我哋中國企業要自強!
原圖:素材網、Dell Twitter
投票已截止,多謝支持