黃友移英笑料幾乎日日有,不過多數都係窮人百事哀,估唔到有錢走嘅,一樣笑到你肚痛。
日前連登有個post,發帖者疑似係一名敗家仔,佢話,父親畀咗60萬英鎊佢移民英國,點知只係去咗年半咁大把,就已經使晒,話自己山窮水盡喎!
60萬英鎊為起嚟成500幾萬港紙,一個人生活年半就揈晒,睇嚟阿樓主佢都幾大使吓!再睇樓主佢post出嚟嘅使費清單,有唔少都係吃喝玩樂,飲酒、旅行、睇波樣樣有。貼文一出,就被連登仔喪鬧,指樓主咁大使,畀600萬佢都冇用咁話(原文是有粗口的)。可能部分連登仔經濟麻麻,見到人哋有咁多錢都使得晒,自然嬲嬲豬,鬧得特別落力。
不過,連登仔們都係慳返啖氣啦!樓主喺文尾講到佢用咗30幾萬去買樓,連埋裝修用咗差不多40萬,即係拎住舊磚頭,底子依然夠厚,個post似曬命多過呻窮,鬧佢嘅人,會唔會覺得自己中伏了?
投票已截止,多謝支持