英國政府呢排財困得好緊要，BNOer過去享受人生嘅夢想，難了！一直關注英國嘅前特首、全國政協副主席梁振英（CY）梗係唔會錯過呢單新聞，佢喺佢個人社交專頁發帖，「溫提」大家，英國政府11月嘅預算赤字竟然高達220億英鎊，創下1993年有月紀錄以嚟嘅同月新高！

CY個post篇幅唔長，但係就講出重點。按照英國人均嚟計，相當於每個英國人都要承擔約3000港元嘅金額。CY仲hashtag埋#借貸度日 #BNO ，好明顯係講畀諗住過去歎世界嘅BNOer聽啦。

除咗係1993年以嚟歷年11月嘅同期新高之外，英國截至11月嘅財政年度預算赤字高達1054億英鎊，亦都係1993年以嚟歷史同期嘅第4高！

有網友就喺CY帖文下面留言，一針見血咁話：5+1的真正目的就係填氹。聽落都似層層咁喎，唔知BNOer內心點諗呢？

英國呢期經濟衰退得咁緊要，同英國政府異想天開、一意孤行有好大關係，究竟英國仲會頹幾耐？歡迎大家留言。

原圖：星島日報

https://std.stheadline.com/daily/article/2289594/