黑暴爆發後，香港市民嘅危機安全意識大增。警方昨日（20日），聯同消防處及中華電力，聯合舉行咗一次代號「翔馬」嘅反恐演習，目的就係模擬恐怖分子試圖入侵中電嘅電腦系統癱瘓全港供電時，警隊同重要基礎設施持份者喺應對類似恐襲可以點樣提高應變、協調同埋溝通能力，並做好對網絡攻擊和實體襲擊事件準備，從而增強市民反恐意識，令危險分子無從下手。

演習喺中電嘅設施內舉行，共有超過200名警務、消防及中電人員參與。演習由模擬恐怖分子嘗試入侵中電電腦系統開始，繼而對變電站進行襲擊、縱火及攻擊供電系統，而警方接報後，快速派出反恐部隊及軍裝人員到場制服恐怖分子，避免事態惡化及傷亡。

相信市民都記得，今年6月21日，朗屏中電電纜橋大火，引發新界西北大停電，當時有黃黑地下組織仆出嚟「承認責任」，結果畀中電秒速KO。但事件提醒香港人，黑暴以來，一直有衰人提議破壞基礎設施。俗語話「居安思危」，警方組織今次嘅演習確實係防範未然，抵讚！

原圖：星島日報

https://std.stheadline.com/realtime/article/1893994/