啱喺10月斥資440億美元收購社交平台Twitter（推特）一攬大權嘅馬斯克，唔知係咪為咗平息近來嘅爭議，19日喺佢個人Twitter上發起投票，問大家他應否辭去推特CEO一職。結果吸引超過1750萬用戶投票，有57.5%投票人認為佢應該落台，唔好再插手Twitter事務。外界紛紛猜測馬斯克搞「公投」嘅真正目的，而據《經濟學人》日前報道指，預計Twitter2022年可能會虧損高達40億美元之多，或者馬斯克此舉係為損手退場搵台階落。

馬斯克自收購Twitter後，對Twitter無論是政策還是整個公司管理都採取一系列大刀闊斧嘅措施：將大批Twitter原有員工解僱、解封包括美國前總統特朗普在內的多個賬號。除此之外，更一度與蘋果公司交惡，早前蘋果停止在Twitter上的大部分廣告；但近日兩間公司關係好轉，馬斯克本月初證實，蘋果已經「全面恢復」在推特上投放廣告。蘋果對Twitter影響甚大，蘋果可以對進入其應用商店的應用程式隨意收取費用，以Twitter來說，蘋果可對應用商店內的選購收取15-30%費用。

自詡為「言論自由的絕對主義者」（free speech absolutist）嘅馬斯克，為咗言論自由，不惜用440億美元實現此「夢想」。但接住落嚟馬斯克要解決嘅，有好大程度係Twitter嘅虧損問題。據Twitter2020及2021年年報顯示，分別淨虧損11.4億美元和2.21億美元。對於精明嘅馬斯克而言，相信佢唔會放任Twitter繼續虧損落去。而據《經濟學人》日前報道指，預計Twitter2022年可能會虧損高達40億美元之多。

馬斯克去年亦曾喺Twitter帳戶發起過投票，上次係問網民支唔支持佢出售手持Tesla股票嘅10%。最後結果顯示，多數人贊成，馬斯克履行承諾，出售股票。

究竟馬斯克係有錢任性，定真係想將管理社交平台嘅職責留返畀職業人士，作為遠在地球另一邊嘅花生友，我哋都係坐定定等睇好戲啦！

原圖：Elon Musk Twitter

https://twitter.com/elonmusk/status/1553985248878379008/photo/1