讀史，可以「知人曉事論世」；有論者認為，知人最難，皆因人不只有一面，還有雙面和多面，只知其一面，大概看錯居多。其實，知人固然難，「知國」也不易，筆者所指係揀啱國而成合作夥伴或戰略夥伴，揀啱起碼不會走歪路，且可以國泰民安。《戰國策．趙策》有這麼幾句：「安民之本，在於擇交。擇交而得，則民安；擇交而不得，則民終身不安」。這真是慧語，一句「擇交而得，則民安」道盡外交政策嘅神髓！

最近，睇吓沙特阿拉伯棄美國如敝屣，毅然一心一意投向中國，以最高規格歡迎國家主席習近平，雙方簽署全面戰略夥伴協議，同意一帶一路協調合作，兩國元首每兩年會晤；據悉。多家沙特和中國企業已簽署34項投資協議，範疇遍及能源、資訊科技丶物流和建造業。這就充分說明乜叫做「擇交而得，則民安」也。

擇交而得，則民安

今趟中國與沙特嘅峰會可說規模空前，即使外界關注嘅人民幣結算石油貿易，今次並冇宣布，之不過，這次雙方簽署全面戰略夥伴協議，雙方係經濟上嘅互補互助，互利共贏，更令人看到是雙方政治高度互信。

事實上，國家主席習近平眼光遠大，謀的都是將中國影響力進一步增加，沙特之行，係定框架勝於簽大單，正如有論者認為，未來中國與中東各國關係中，能源係紐帶，安全係關切，互惠發展成為核心。

反觀美國，不誠無物。老美一直恃着自己係世界軍事頭號強國，動輒對中東國家打壓、制裁，並於反恐戰爭中，將伊斯蘭教污名化，如此胡作非為，又怎會不令中東國家如沙特失望，並對中國嘅不干預外交政策大大受落而棄美國如敝屣！看來，沙特與中國變成全面戰略夥伴，係明智嘅「擇交而得」，可謂「錢途無限」，充分表現識時務者為俊傑！

不久前，中國駐美大使秦剛批判美國近期推出多項對華半導體限制措施，屬嚴重嘅戰略誤讀誤判。美國針對中方嘅措施，料使全球半導體產業於未來3年內損失近100億美元，中長期負面影響不可忽視。秦剛說得好，小院高牆、脫鈎斷鏈損人不利己。與中國脫鈎就是和世界潛在嘅最大市場脫離，與中國斷鏈就係與機會斷鏈。美國所作所為，損人而不利己，正是身不正，言不信，道義不專，又怎能成為大佬榜樣？未來，中國成為世界舞台嘅焦點，真係要多得美國！

原圖：司法部

http://www.moj.gov.cn/gwxw/tpxw/202212/t20221209_468965.html