美國為阻止中國喺晶片科技方面嘅進步，威逼盟友荷蘭跟隨步伐！據彭博新聞報道，荷蘭擬跟隨美國對中國嘅技術出口實施管制，計劃禁止向中國出售用於製造14納米或更先進嘅晶片製造設備。

報道指，美國喺10月初對華實施咗一系列新嘅規定，目的係為咗進一步遏制中國晶片製造業嘅發展，包括限制美國供應商出口可以製造14納米以下晶片嘅設備，同時亦要求盟國採取同樣嘅對華出口限制。

荷蘭參加美國嘅有關計劃，可能會損害荷蘭半導體設備公司嘅利益。就以艾司摩爾（ASML）公司為例，呢間公司係全球最先進嘅晶片設備廠商之一，佢哋去年銷售往中國市場嘅金額佔公司收入約15%。荷蘭一旦跟隨美國，ASML光刻機生意勢必會受損。

美國國家安全委員會和商務部高級官員，11月下旬曾赴荷蘭，與當地官員討論了有關對中國出口管制事宜。

美國帶頭對中國進行「科技圍堵」並唔係乜嘢新鮮事，越打壓中國，中國只會越強大！從北斗衛星到航天科技，中國科技人員早已用實力證明咗呢一點！

原圖：素材網