國家主席習近平喺二十大報告提到過去10年來，有三件大事對黨和人民事業具有重大現實意義和深遠歷史意義，那就是迎來中國共產黨成立一百周年、中國特色社會主義進入新時代，以及完成脫貧攻堅、全面建成小康社會嘅歷史任務，實現第一個百年奮鬥目標。

習近平主席話，這是黨和人民團結奮鬥贏得嘅歷史性勝利，係彪炳中華民族發展史冊嘅歷史性勝利，也是對世界具有深遠影響的歷史性勝利。從現在起，中共嘅中心任務就係團結帶領全國各族人民「全面建成社會主義現代化強國、實現第二個百年奮鬥目標，以中國現代化全面推進中華民族偉大復興」。胸襟開闊，眼光遠大，令國人鼓舞！

嗱！中國愈來愈有王者氣勢，處處可見。美國國防部長奧斯汀日前係柬埔寨暹粒與中國國防部長魏鳳和會晤，魏鳳和重申台灣問題係中國核心利益中的核心，係中美關係第一條不可逾越嘅紅線。台灣是中國的台灣，解決問題係中國人自己嘅事，外部勢力都無權插手干預。未知奧斯汀聽懂這條「紅線」不可逾越之道嗎？直接啲講，就係叫老美唔好成日好做架樑！時移世易，連沙特阿拉伯都唔聽你支笛啦！老美叫增產石油，沙特偏偏減產，就係同你拜登對着幹，吹咩？

美國想做大佬但缺水

魏鳳和進一步說：中國軍隊有骨氣、有底氣、有信心、有能力堅決維護祖國統一。中國國防部新聞發言人亦指出，當前中美關係面臨的局面，主因是美國作出錯誤的戰略判斷，並不斷虛化、掏空、歪曲一個中國政策，頻繁對台軍售、協訓台軍、派高官赴台等。中美要奉行互利共贏嘅開放戰略，美國就不能一直玩「政治操弄」，推動所謂「脫鈎」，這樣與中國堅定不移地推動高水平嘅對外開放，無疑背道而馳。

當今世界舞台嘅焦點盡在中國。其實都不必多費唇舌，「做大佬，乜都頂到」，冇水，或者缺水，就乜都頂唔到。呢嗱！主辦世界盃足球賽嘅卡塔爾，據悉，世界盃為其經濟帶來嘅拉動效益可達170億美元，難怪其王子拍視頻用中文向中國人民示好！

這也難怪，正如有論者話齋，中國雖然無緣進身世盃決賽周，卻以另類姿態登上世界盃第一，那就是廣告贊助最多：中國企業豪擲近14億美元贊助是次世界盃，大幅超過美國企業贊助嘅11億美元。都話想做大佬，有錢先至頂得到！冇錢，就做鬼都唔靈！

原圖：新華社