當年黃友喺香港搞所謂「大三罷」，而且仲要洐生暴動，相信大家都歷歷在目。依家佢哋唔少移民英國，諗住享受「自由國度」，點知竟然要面對英國版嘅「大三罷」喎！

英國近年通脹居高不下，人民叫苦連天，多個行業都齊齊加入罷工行列。先前有鐵路工人罷工，之後為爭取改善薪酬待遇，郵政人員、蘇格蘭的教師及7萬名大學職員亦展開罷工；當中大學與學院聯盟將於下周三（30日）再罷工兩日，估計影響250萬名學生，係英國高等教育史上最大規模的罷工。

新冠疫情仍未平息，醫護更需要堅守抗疫前線。不過英國最大護士工會英國皇家護理學院就宣布，將於下月15及20日舉行全國罷工。皇家護理學院之前向政府要求，將護士加薪幅度訂於比零售價格指數高約兩成。你有你要求，政府有政府拒絕，畀人請食檸檬，所以先決定發起大型罷工。呢次亦係該學院成立106年，首次舉行全國大罷工。

你罷我罷大家罷，呢個畫面都幾熟口熟面喎！移英黃友隨時喺教育、醫療、交通上面通通都受影響。當年咁鬼囂張，都係時候要佢哋體驗吓當年港人的感受啦！一句到尾，在英黃友唔係唔撐「抗爭」啩？

原圖：無綫新聞截圖、素材網