前香港眾志秘書長黃之鋒身負多罪，踎完又要繼續還押，不知不覺就踎咗兩年！昨日（23日）佢社交平台嘅小編就發帖，分享黃之鋒對於踎監「兩周年紀念日」嘅感想。帖文一開始就引用Dear Jane《脫骹的華爾茲》的歌詞「我共宇宙說好了／有場舞還未發表／必須公告世間／我未有垮掉」；黃之鋒先向手joke大派定心丸，表示自己仲頂得住。

特別留意的是帖文最後，黃之鋒叫手joke唔好只著眼香港種種「呎退」，而忽略咗求「寸進」的人，更叫其他人「要有堅持到底的決心，更加需要匍匐前行的耐心」。到底係堅持啲咩？前行去邊？唔通係叫人繼續搞事？到底指咩呢？就唔多清楚啦！

文中又以「半杯水」自勉，這是一個視乎你是樂觀還是悲觀的經典哲學理論。他之後表示，「有人選擇就此離開、有人變得對世事不聞不問，較為普遍則是減少關注和投入度，或者換個方式以不同身位參與民間社會」，應是指黃友有的移民、有的變咗鵪鶉等等，但呢啲係個人取向問題，同哲學心態又好似冇直接關係。

黃之鋒踎咗兩年，到底有冇深切反省過呢？睇佢篇帖文就唔算好覺喎！不過點都好，既然踎出哲學，就慢慢喺獄中思考人生啦！祝佢長踎長有！

原圖：星島日報

https://std.stheadline.com/realtime/article/1123162/