一般小病就已經唔舒服，「入廠」就更難頂，今次輪到羅冠聰喎！立法會前議員羅冠聰著草已久，昨晚（22日）在社交平台發帖，話自己剛做完手術，覺得一個人好難捱云云；仲附有一張相，從相中可見，佢嘅左腳有保護裝置，真係「圖文並茂」，好似驚人哋唔信咁！

帖文開首就老生常談咁話，「獨自在外最難捱，那必然是面對傷病的時候」。羅冠聰表示他的十字韌帶撕裂與半月板受傷已有4個月，但仍然「裝作無事跑遍了英國，也參與了一個月的美台倡議之旅」，受傷都不忘讚揚自己「幾咁努力」。但身體係誠實嘅，可能拖到頂唔順，就要「孤身一人上路」去做手術囉！

羅冠聰喺帖文繼續呻，手術前點慌、手術後點痛法，大家都明佢係想搏吓同情、刷刷存在感啫！後面佢回憶起中三時因盲腸炎而做手術住院，語帶懷念咁講「我的家人帶來了Ipod、午飯，我可以跟他們訴說我的恐懼」。雖然同樣係「入廠」，但有家人噓寒問暖梗係比一個人好多多聲！佢又話今次受傷，曾經一個人喺急症等咗三粒鐘，手機冇電兼行動不便；同佢中三嗰時真係差天共地，難怪佢都話「這些難以言喻的刺痛，尤其是對流浪在外的我們，真的很巨大。希望可以不用再面對這種狀態」。

俗語話「在家千日好」，尤其當有病痛時，家人嘅關懷永遠係最好嘅治病良藥。羅冠聰走佬他鄉，「入廠」都係一丁友，冇人冇物，真係陰功豬囉！不過早知今日，何必當初？都係佢自己攞嚟嘅！

原圖：星島日報、羅冠聰facebook

https://std.stheadline.com/realtime/article/1097507

https://www.facebook.com/NathanLawKC/posts/pfbid033xcxxJDqidvn4ZFv5eL6yCyjAj9TzT6k1m7hup7bRWpJmaotUhXNQHZ1Xdca6QNUl