美國政客只要識反華，其他方面做得再差都唔緊要！美國眾議院共和黨領袖麥卡錫20日喺接受霍士新聞訪問時揚言，如果佢當選為眾議院議長，佢會設立中國問題特別委員會。令人氣憤嘅係，麥卡錫喺訪問中公開污衊中國喺竊取知識產權方面係「第一大國」，仲話總統拜登辦事不力云云。
麥卡錫話，拜登政府對北京方面太過「姑息」，乜嘢都唔做，令中國「任意妄為」。佢已經開始幻想佢當上眾議院議長之後，會將一啲唔稱職嘅民主黨眾議院踢出眾議院內幾個主要委員會。未正式做到議長，就已經指名道姓話要踢邊幾個，果然有黨友、前總統特朗普嘅風采。
共和黨喺中期選舉中以微弱優勢取得眾議院控制權，如無意外，麥卡錫好大機會喺明年1月成為眾議院新議長。
豈有此理！堂堂美國國會，竟淪為以反華為要務嘅議事廳，政治生態畸形至此，簡直荒唐！
原圖：麥卡錫Twitter、人民網
https://twitter.com/GOPLeader/status/1567502501238259714?s=20&t=FaF4N7HOfwUn9xENMp4zlw
http://lianghui.people.com.cn/2018npc/BIG5/n1/2018/0317/c418592-29873217.html
投票已截止，多謝支持
返回
