東方崛起，西方收縮，看來不可擋。很早前，美國四大會計師之一嘅PWC，作出2050年經濟預測，以PPP（Purchasing power parity）即係「購買力平價算」GDP嘅分量，第一名是中國20%，第二名是印度15%，第三名是美國11.6%，第四名是印尼3.6%。

嗱！前四名有三名係亞洲國家，美國都係排第三，這不是「西方不亮東方亮」嗎？有論者指出，中國有14億多人，比歐洲人口還多，佔全球百分之一。任何一個數字乘以14億，都大得嚇人；任何一個數字除以14億，都小得嚇人。這是中國與其他國家的區別。旨哉斯言！

大家有目共睹，中共二十大後，國家主席習近平隨即展開大國外交，中美元首係峇里島會晤，無疑係全球矚目嘅焦點。這是拜登去年一月就任以來，首度與習近平舉行面對面會談；會晤歷時約三小時，中美元首會面後，彼此緊張關係點都有所降溫。

之後，習近平嘅外交行程可謂馬不停蹄，於印尼峇里G20峰會裏，一天之內相繼會晤法國總統馬克龍、澳洲總理、南韓總統、荷蘭首相等等。跟住又喺泰國曼谷出席亞太經合組織（APEC）領導人非正式會議期間，與日本首相岸田文雄舉行雙邊會談。

中國和平崛起非偶然

喺世界局勢如此動蕩之下，習近平開展大國外交，目光遠大、視野廣闊。之前，佢同美國總統拜登通電話時說：作為聯合國安理會常任理事國和世界兩大經濟體，我們不僅要引領中美關係沿着正確軌道向前發展，而且要承擔應盡的國際責任，為世界的和平與安寧作出努力。作為領導人，這不是心中有民和肯於擔當大國應有之義嗎？事實上，善於學習、善於創作、善於糾正錯誤嘅政治品格，中國共產黨才交出過去一百年的優異答卷！中國和平崛起，豈是偶然？

各位，剛過去嘅「珠海航展」被指係「中國大騷肌肉」，事實亦反映今次航空展，話就話係航空航天展，現場展出嘅武器裝備，漪歟盛哉！涵蓋海、陸、空戰，仲有太空戰、網絡戰、電子戰！呢啲係解放軍對國產軍備嘅自信，話畀全世界知：中國軍工科技已經走在世界前列，這肌肉，唔係嘢小！歐美大國，包括美國成日喊「中國威脅論」，睇怕唔似做戲，係真驚！講真，兩年後嘅美國總統大選，如果真係78歳嘅特朗普對82歲嘅拜登，呢幕「耆英再爭霸」諗起除咗覺得好搞笑，更印證未來係東方崛起，西方收縮！

原圖：素材網

https://pixabay.com/zh/photos/statue-of-liberty-new-york-statue-267949/

https://pixabay.com/zh/photos/beijing-olympiad-bird-nest-522094/