為咗民主自由嘅黃色香港人，投奔咗英國之後開始發現啲嘢好貴呀！於是個個開始「勤儉持家」，慳得就慳，有著數就一定拎到十足！一個由BNOer開設嘅「Ale Channel」YouTube頻道，早排就拍片同大家開心share佢喺英國「唔使交電費」嘅經歷。原來，佢係趁佢租嘅嗰度新裝修未裝好新電錶，由業主幫佢畀咗兩個月電費咁話喎。睇佢咁嘅開心樣，真係忍唔住想讚佢一句：好有大志呀！

呢位BNOer仲好坦白咁話，佢趁呢兩個月唔使交電費燃料費嘅珍貴時刻，「狂用」乾衣機、焗爐；而且由於煤氣都係由業主畀住先，所以佢有得沖好舒服嘅熱水涼云云。嘩，呢啲嘢喺香港唔係好基本嘅生活要求嚟嘅咩，點解聽落好似喺英國咁難能可貴!?

有網民就唔畀面，潑佢冷水留言話：「知唔知佢住喺邊？send條片畀佢業主睇」。亦都有網民話，「之後加租會補番數架啦」，都啱嘅，世上沒有免費午餐，可能之後啲租金會貴到佢O晒嘴呢！

喺英國能源費飆升之下，各路BNOer紛紛採取渾身解數——慳錢！所以見到呢位仁兄咁開心，各位看官真係唔好見怪呀！因為喺英國啲電費、燃料費，仲有啲稅，都真係好貴呀！

原圖：YouTube視頻截圖