黃人唔止鍾意搞各種「紀念日」，仲想滲透埋入日常生活添！有位移民加拿大一年的港人Tom，巧威威咁考到車牌兼買埋車。唔少黃友都想show畀人睇佢地幾咁黃，於是Tom去Service Ontario申請車牌時，就諗住搞個「HKER612」車牌，用嚟「紀念」612衝突和612基金。

但Tom嘅「如意算盤」卻打唔響，當局一開始批咗，佢好開心咁畀完錢。點知之後收到通知，話個車牌內容涉及「暴力及刑事活動」，所以唔批。Tom唔忿氣，就去上訴；當局都係將佢嘅申請彈番轉頭，叫佢申請第個號碼喎。

呢件事令Tom好疑惑，事關佢之前喺多倫多參加過黃友搞嘅612集會。佢覺得如果唔畀用「612」做車牌，咁將來佢再參加當地相關集會，又算唔算係參與「暴力及刑事活動」呢？

黃人所謂嘅「612事件」，根本就算暴徒意圖搞亂社會秩序而引起嘅衝突。加拿大當局都話「612」係象徵涉暴，即係外國人都知班黃友做過啲咩，梗係唔批啦！

原圖：星島日報、素材網

https://std.stheadline.com/realtime/article/1034801