移英黃人日子有幾慘慘，佢哋自己最清楚！正所謂：你睇人哋好，人哋睇你好。究竟黃色香港人投奔英倫呼吸佢哋最愛嘅自由空氣之後，日子過點呢？可能就未如理想。如果唔係，都唔會有人專門喺擁有7.9萬位成員嘅FB「英國香港人生活交流區」群組發帖叫大家唔好成日將啲煩惱同生活有幾艱難擺上group喎，「要說好港人移英故事」云云，唔好畀藍媒藍絲知道佢哋嘅慘況！

呢位成員喺文中度話，大家係咪「應該考慮下有啲煩惱其實係可以私下解決或同朋友傾」，唔使一定擺上個group畀其他人睇到。其實，呢位人士嘅言下之意，係覺得group友嘅煩惱、困難，佢唔想知，亦唔關佢事？之前明明懶係手joke咁，而家就玩「大難臨頭各自飛」？

佢仲話，「要說好港人移英故事」，多分享「喺英國成功做返本行嘅故事」。原來，喺英國只要做得返本行，就已經好成功，皆因有好多原本喺香港係專業人士嘅黃友，過到英國只能夠做返基層工，心理落差令佢哋好難接受。

當初當人係手joke，而家就叫人收聲，有嘢要呻就私下同人講，唔好擺上大group。咁如果佢哋喺英國冇朋友呢，想喺group搵下啲安慰都唔可以？！又話鐘意喺英國可以呼吸到自由民主嘅空氣，呢頭你又唔畀人哋訴苦，說好的言論自由呢？各位看客，你哋點睇？

原圖：素材網、FB截圖

https://elements.envato.com/view-on-the-big-ben-and-the-westminster-palace-in--UQ6L9TR