面對美帝霸權近年持續打壓，中國有足夠國力作出強而有力嘅回應！中國國務委員兼外長王毅昨日（30日）與美國國務卿布林肯通話，雙方就目前兩國關係及共同關注議題作出討論。王毅嚴詞促請美國停止對中國打壓，認為咁樣只會為兩國關係製造新嘅障礙。

王毅苦口婆心表示，修復兩國關係唔單止關乎中美之間嘅關係，對整個國際社會都只會有百利而無一害，亦都係世界各國樂見嘅結果。

不過，Cheap慣嘅美國繼續搞無聊打壓，口頭上卻又唔肯承認。面皮厚過恐龍皮嘅布林肯咿咿哦哦一輪，美國國務院發言人就喺聲明表示，雙方仲就兩國之間繼續保持溝通渠道，以及有必要負責任咁管控中美關係等方面作出討論。呵呵，又喺度擘大眼講話。

中美作為世界上國力最強嘅兩個大國，合則利，分則害，縱使兩國喺好多立場方面都有分歧甚至對立，但如若美國能夠從國際社會整體利益考慮，釋出善意，與中國交好，將會對全球和平發展有巨大幫助。偏偏美國政棍自私自利，硬係要撩交打，又要化晒妝扮晒好人，實在不知所謂！中國人企硬，美國人搞搞震，中國人必有回報！

原圖：布林肯Twitter、文匯報

https://twitter.com/SecBlinken

https://www.wenweipo.com/a/202111/20/AP61987afde4b07b4059d3ca33.html