美國日前藉國防部發表所謂報告，極力渲染核風險，實則係對中國指手劃腳，認真可恥！對於美國國防部27日發布嘅《2022年核態勢審議報告》（NPR）對中國多番干預，中國外交部發言人汪文斌喺28日記者會上明確表示，美國呢種訛詐係「嚇不倒中國」嘅！汪文斌仲奉勸美國喺制定核政策方面應該「理性、負責任」。

汪文斌話，呢份報告極力渲染大國、陣營間嘅對抗，「充滿冷戰思維」，完全與現時目前國際所期待嘅停止核戰「背道而馳」。汪文斌表示，美國作為擁有全球最大核武庫嘅國家，出於政治考慮，選擇性打壓其他國家，咁樣或有機會激發核軍備競賽，破壞世界和平。

對於美國「雙標」式對中國擁有正常核力量現代化政策方針指手劃腳，汪文斌表示強烈反對，並表示美國呢啲咁嘅核訛詐係「嚇不倒中國」，更奉勸美國唔好再秉持過去嘅冷戰思維同霸權邏輯，為世界和平與安全發揮作用。

汪文斌發言人講得好！美國國防部發表嘅所謂報告背後有咩居心？大家心照啦！現今嘅中國，國力日漸強大，已經有足夠力量維護國家領土主權與人民嘅安全，面對老美霸權一二三再而三嘅挑釁，中國都唔會畏懼！

原圖：中國外交部網站

https://www.fmprc.gov.cn/wjdt_674879/fyrbt_674889/202210/W020221028719140083968.jpg