人才凋零，深陷財困嘅民主黨，可以話剩低一塊爛招牌。而主席羅健熙嘅兩年任期亦將於今年底結束，但佢可能做高層做上癮，有意繼續「冧莊」喎。羅健熙日前（19日）喺記者會上，透露咗佢想爭取連任嘅諗法。
不過，有心但唔知有冇力嘅羅健熙話唔定會成為「獄中主席」。點解咁講？因為羅健熙涉嫌於2019年喺尖沙咀聲援理大暴動，被控非法集結，案件下月30日就有結果，有可能會被判監。
但佢一於少理，話只要判刑結果唔係極端到影響工作，就會爭取黨友支持，競逐連任。仲聲大大咁話「獄中主席」係平常事，就算入冊都「可以思考」咁話喎。
咁又係，反正監獄中大把民主黨嘅骨幹成員，如果羅健熙入埋去咪可以共聚一台，有商有量咯，總好過喺外面做主席咁離地啦！加油，支持你呀，做埋末代主席就最好不過啦！
原圖：星島日報
https://std.stheadline.com/politics/article/1533769/
投票已截止，多謝支持
返回
