中大改校徽風波繼續發酵，鵪鶉多時嘅段崇智終於出嚟回應啦！中文大學校長段崇智昨日（19日）發聲明，話之後會投入充分時間畀中大成員就新方案有更深入嘅了解，唔會急切作出改動。

中大日前（17日）推出正式版和簡化版兩版新校徽，簡化版刪去校訓「博文約禮」四字，事件被中大校董質疑校方事前冇諮詢，亦冇通過校董決議。中大網站貼出段崇智的聲明，指校方將「投入充分的時間讓中大成員就大學的形象更新方案有更深入的了解，包括探索及達成新方案當中的詳細經過，其背後的理念等，讓大家熟悉新設計元素的應用，而不會急切作出改動。我們會繼續用心聆聽」。聲明又強調「絕對沒有捨棄或更改大學校訓」，稱校訓充分反映中大德智並重的教育方針，亦是中大教育的一貫宗旨。

為咗令大家信服，段崇智仲貼埋時序，但從時序我哋睇到，詢問2,200人時，並未涉及校徽更動的內容。而校徽改動事前沒有經過校董會，是在最後完成定稿才向校董會執行委員匯報。

其實段崇智講咗一堆，即係話收到大家意見，但就冇清楚交代有冇黑箱作業喎，大家對於段校長嘅回應又點睇呢？

原圖：中大網站截圖、星島日報

https://www.cpr.cuhk.edu.hk/tc/press/statement-on-cuhk-brand-refresh/

https://std.stheadline.com/realtime/article/603405