颱風來襲，海上風高浪急，真係好危險！一艘作業船尋日（17日）上午就因此發生事故！呢艘船喺本港東南面海域約140海里（約260公里）發生事故，船身入水，而且位置非常接近颱風「納沙」嘅風眼。政府飛行服務隊尋日上午10點幾接香港海上救援協調中心通知後，立即到場營救，順利救出7名棄船逃生嘅船員，並送往飛行服務隊總部。據了解，7名船員分別為2名台灣人及5名印尼人。

政府飛行服務隊派出一架次定翼機同兩架次直升機，共12名機組人員赴事故海域進行救援。當時情況十分危急，最高風速達140公里/小時，船員生命危在旦夕。最終，救援隊喺中午12點35分成功救起7名船員。

飛行服務隊做得好！好在你哋反應夠快，冒住強風，及時派員救援，先至順利救返身處海中嘅7位船員。感謝你哋嘅付出，海上安全，全賴有你！

原圖：星島日報

https://std.stheadline.com/realtime/article/1879922/