問以經濟策，茫如墮煙霧。李白呢兩句詩，彷彿早為英相卓慧思而寫，佢搞乜鬼「迷你預算」，引發匯債市場兩周大幅波動，日前終宣布將維持前首相約翰遜時期嘅調高企業稅方案，但無法減低外界質疑聲音。
卓慧思上個月下旬公布大幅減稅，喺金融市場掀起風暴，搞到要英倫银行出手救市，之後國際貨幣基金組織（IMF）仲罕有開腔促英國政府改弦易轍，這婆娘原一直躲着，幾日後才打破沈默，並接受BBC電台訪問，主持人毫不客氣，直問佢搞到金融市場亂到一鍋粥，人民面對空前的高通脹，喊哂救命，請問「首相，你瞓得好唔好？」
事實上，卓慧思根本係政治小學雞，智小而謀大，力小而任重，完全不知英國當下的困局，一味如童子舞刀，梗唔掂㗎！
最慘佢又愛多管閒事，華府公布拜登首份「國家安全戰略」報告，把中國視為唯一嘅威脅。老美對中國強硬，這婆娘又不甘寂寞，英國《衛報》指，卓慧思打算正式把中國列作「威脅」，有別於前首相約翰遜把中國歸類為「體制競爭者」。
好心照吓鏡啦！正如有論者指出，英國脫歐後走投無路，蘇格蘭和北愛爾蘭離心離德，加上通脹惡化、經濟衰退、磅匯大跌、民怨沸騰、罷工浪潮此起彼落，目前英國本身都係病灶。好心先給自己醫病，唔好對外撩是鬥非喇！更何況，美國視中國為最大競爭對手，畢竟兩國實力接近，美國霸權確受到前所未有嘅挑戰。反觀英國，有乜資格同中國較量。論經濟總量，英國已被前殖民地印度超越；講人均GDP，英國還不如被其管治150多年嘅香港。如果話中國「威脅」英國，更是天方夜譚，英國都快淪為三流國家了，威脅佢有乜意義呢？好心唔好自我膨脹，感覺良好啦！
卓慧思上台未滿月都已搞到英國風聲鶴唳，唔少英國媒體都睇死佢相位岌岌可危，有小報甚至喺YouTube開台直播，將佢個肖像同一個「只能保鮮10日」嘅西生菜擺在一起，要網民估吓哪個較長命，據說西生菜一面倒獲網民支持！
姑勿論卓慧思能「保鮮」幾耐！筆者認為「民無信不立」，即使佢面皮再厚，戀棧相位也冇意思！人貴有自知之明，與其晚晚瞓得唔好，甚至發噩夢，還是快啲諗諗如何下台體面些吧！
原圖：卓慧思facebook
https://www.facebook.com/photo/?fbid=532923655325704&set=pb.100058242211812.-2207520000
投票已截止，多謝支持
返回
