過氣黃政棍夥拍鄭文傑，下月尾喺倫敦搞播獨講座，仲玩埋線上直播，慌死黃友們已經唔記得佢哋咁。對於佢哋今時今日仲想靠播獨嚟刷存在感嘅行為，全國政協副主席梁振英（CY）尋晚深夜（16日）就喺佢社交平台評價佢哋兩個嘅行為：英國就變成示威之都！一句講晒佢哋心裡面有咩壞心眼！
CY嘅帖文字數雖然唔多，但就上載好多英國嘅新聞截圖，其中包括英國內政大臣柏斐文打算擴大英國警察嘅權力，以遏止近日越來越多嘅激進示威行為；另外仲有幾張係近日發生喺英國嘅過激示威報道截圖。
網民都出一分力去串佢哋「美麗的風景移到英國去」、「只顧示威，不用工作和生產啦」。有網民就表示，英國近日嘅社會動蕩將會持續，「而家仲話擴大警察權力去對付搞亂社會秩序嘅人」，反問點解班移英港人唔去反對英國政府？梗係啦，對佢哋嚟講英國咩都好，英政府做咩佢哋都甘心受晒，又點會反呀？
CY好嘢！移英黃人以為去到英國，就可以肆無忌憚咁盡享所謂嘅民主自由，但係每個國家都唔會縱容激進示威者嘅過激行為。睇嚟佢哋嘅算盤真係越打越錯囉！
原圖：梁振英FB、星島日報
投票已截止，多謝支持
返回
