黃人真係五時花六時變，黑暴嗰陣，只要係黃就乜都撐，家陣大難臨頭，又怪人哋呃留港黃人錢？近日有位連登仔發帖大鬧爆，話嗰班移民YouTuber已經離開，但係就繼續拍片呃一眾留港黃人嘅錢，賺到盆滿缽滿之餘，仲暗地裡笑呢班留港黃人唔走。簡直豈有此理！

嗰個連登仔喺帖文度話，呢班YouTuber平時靠拍片呃班留港黃人嘅view數賺錢，用嚟喺移民港人嘅熱門目的地——英國、加拿大等地消費，享受人生。呢位連登仔仲好直接咁話，其實呢班人喺出面根本冇謀生技能，所以只能靠cap水搵食，佢建議大家唔好再睇呢班人啲片喎。佢喺帖文最後，好勞氣咁隔空同班移民YouTuber講話：「唔好一邊賺香港人錢，但又笑人留港」。呢句說話真係充滿血淚，講出咗一眾黃人嘅心聲，就係：一班手joke喺香港捱餐死，養緊你哋班友喺外國歎世界呀！

有位心水清嘅連登友就跟帖表示，呢個根本就係「大家不願接受既事實」。

其實黃友們都心知肚明，嗰班移民YouTuber擺到明喺度食緊人血饅頭。但係自己友嘛，話咗要盲撐到底嘅！於是留港黃人心裡面有幾多不滿，都只能忍氣吞聲啦！

原圖：YouTube影片截圖

https://www.youtube.com/watch?v=Y3WiB-hgOPw&t=10s

https://www.youtube.com/watch?v=gKvsAhUcS-E&t=217s