某啲餐廳打著「黃店」旗號，吸引手joke課金，但本身質素太差，就算有手Joke照住都做唔掂！黃店「桔梗」早幾日喺社交平台發帖呻慘，「真告急了」，中間講到點樣慘絕人寰，總之就係冇生意，繼續叫黃友課金。

「桔梗」篇帖文話，由於疫情而生意受影響，「至今生意額累積下跌達6成」。既然生意額不足，就唯有寄望手Joke，所以帖文最後話「希望能得到大家支持，昐望你回來」。

不過手joke似乎唔多賣帳，底下留言大部分都係表達不滿，有網民話店嘅食物「又貴又難食」，仲有網民直指「重點係服務態度差」添！仲有人鬧爆，「真係幫唔落」，更逐一數呢間店嘅唔掂之處，例如「價錢又貴嘢食又細」、「食野要受氣仲夠膽收加一」、「世界級咁難食」；更有人貼出一碟黑過墨斗嘅食物，疑似店裡嘅餐點，惹來網民一面倒劣評，有人揶揄，「真係好嘔心，咁都未執已經係神蹟。」

雖然「桔梗」其後留言話「全部意見我們都有接收到和加緊檢討改善」，但能否令受盡心靈創傷嘅手Joke回心轉意？真係天曉得囉！

原圖：桔梗facebook

https://www.facebook.com/jiegenge.hk/