報章內容有問題就應該糾正，以免誤導社會公眾！《明報》喺尋日（11日）A11版刊登嘅《尊子漫畫》裡面，繪有防暴警入校，懷疑影射荃灣聖芳濟事件。警務處助理處長（公共關係）陳東尋日去信《明報》執行總編輯劉頌陽，對事件表達強烈關注，質疑有關漫畫內容有誤導性，或會損害香港警隊嘅形象。
有關問題嘅尊子漫畫內容中，繪有著上防暴裝備嘅警員到校詢問校長情況，校長回答：「6A班有人講粗口，5C有同學唔見咗擦膠，3D班同學書包搜出雷射筆，2A班有同學頂撞老師涉嫌恐嚇……」陳東喺信中質疑，有關內容描述或令讀者就警方處理學校事件產生誤導，或會聯想起「荃灣聖方濟中學事件」（刊於明報同日A2版），因此去信表示強烈關注。
陳東喺信中澄清指，警方當日到校，係因為學校因校門有指示牌被毀壞而報警，案件已被列作刑事毀壞處理。陳東表示，該漫畫會讓讀者對警方調查產生錯誤觀感，並「對校長及師生亦構成壓力，甚至傷害」，故促請《明報》能實事求是地處理有關校園新聞及報道。
如實報道是新聞機構的責任，傳媒理應報道真相，而非穿鑿附會玩影射，讓讀者產生誤解。警方去信質疑《明報》絕對有理，希望該報即時糾正，避免問題內容進一步誤導大眾！
原圖：星島日報、香港警務處
投票已截止，多謝支持
返回
