春秋戰國時代嘅韓非子，認為「古人亟於德，中世逐於智，當今爭於力」。所云「當今爭於力」，即指要保衛國家就係要講軍事力量。筆者覺得，當今朝鮮嘅領導人金正恩信到十足，要維護小國不受大國蓄意欺凌，甚至滅國，就係要「爭於力」！
各位，朝鮮兩周7度試射導彈，平壤表示：這是對美國軍事威脅所做出的「合法回應」。呢，朝鮮導彈飛越日本上空，日相岸田文雄除了強烈譴責，甚至曾向民眾發出警報，又可以對北韓如何？韓國總統尹錫悅則只能批評朝鮮行徑為盲目挑釁；至於聯合國安理會就只會召開緊急會議。
以上一連串動作，睇係金正恩眼中，全係不值一哂！聯合國安理會有幾廢就係人都知，除咗「譴責」一啲作用都冇，美國喺二戰後，一直入侵唔少國家，死傷以千萬人計，製造難民又係以千萬人計，安理會有冇譴責過吖？鬧完又有冇用？一直以來，自詡為「民主燈塔」嘅美國，一味以「民主自由」為幌子，通過顛覆其他國家政權來獲取利益，控制重要嘅戰略資源才是其真正目的。阿哥，金正恩挑通眼眉，怎會不知道小國生存之道，唔係靠乞憐搖尾討好，而係奮發自強？即使勒緊褲帶，點都會不斷咁射多兩枚導彈！
美國總統成日都叫囂「美國優先」，前總統特朗普係咁，依家嘅拜登又係咁！如此做領導人，喺如此動盪嘅局勢點會靈吖？制裁俄羅斯，反令俄羅斯能源出口收益大增近四成。搞到石油價格飆升，始作俑者就係美國。有論者指出，油價上升帶動通脹，對於美國，這猶如火上澆油。
今趟美國制裁俄羅斯倒自己先吃苦頭，皆因距離中期選舉不足一個月，一味加息只會令物價通脹如脫韁野馬，對拜登選情大大不利！呢，觀乎拜登早前放下身段親自拜訪沙特阿拉伯王子，之不過，沙特阿拉伯竟帶頭不賣帳，油組更宣布減產。咁搞法，對歐洲打撃尤大，美元強勢已經令歐元、英鎊大幅貶值，油價上升更是雪上加霜，你話德國、英國、法國等歐洲國家，今個冬天，一定特別冷！而這一切，都係拜美國所賜！
美國制裁俄羅斯，支援鳥克蘭，俄烏戰事膠着，結果變回力鏢，傷人又害己，你話美國係唔係抵死吖？連沙特阿拉伯都唔聽老美之笛，歐盟再盲目任由美國老點，做隻搖尾乞憐嘅哈巴狗，邊會有好日子過吖？是以筆者佩服金正恩「爭於力」係目光遠大，一如毛澤東所講，美國係隻紙老虎！
原圖：新華網、拜登Twitter
http://www.xinhuanet.com/politics/leaders/2019-06/20/c_1124650674.htm
https://twitter.com/JoeBiden/status/1579652252628836353?s=20&t=-a6jHoWiaO6M41t32x_jEw
投票已截止，多謝支持
返回
