新一屆特區政府已正式上任一百日，市民對李家超特首及其領導班子充滿期望！行政長官今（8日）朝喺佢個人社交專頁發表題為《同開新篇一百日》嘅帖文，表達佢呢一百日嘅感受。佢表示，佢同佢嘅管治團隊一直都好關注並回應市民對新一屆政府嘅期盼，佢會「用行動解決分歧，用結果爭取信任，以成績累積互信」。
為更好地解決長久以來困擾市民嘅民生難題，李家超表示，甫一上任就成立了4個工作組。就以財政司司長陳茂波及副司長黃偉綸領導嘅「土地及房屋供應統籌組」和「公營房屋項目行動工作組」，尋日（7日）兩位司長都已經向李家超提交了報告。李家超亦有喺尋日嘅貼文度表示，會考慮報告上嘅建議，或會納入19日發表嘅施政報告裡面。土地及房屋供應問題，長期困擾香港多年，希望大力推動造地建屋，讓更多香港市民能夠改善居住環境。
李家超表示，為提升行政立法關係，至今舉行咗3次「前廳交流會」，提供平台讓管治團隊成員同議員直接溝通、對話。
另外，對於市民關心嘅防疫抗疫措施問題，李家超表示，政府喺呢一百日以來，一直全面應對，不躺平。喺風險可控嘅情況下，實施「0+3」嘅檢疫安排，令市民可以有最大嘅民生同經濟活動空間；目前嚟睇，唔同行業同業界都明顯受惠。
對於上任這一百日工作的表現，李家超表示「沒有最好，只有更好」，會繼續解決各項民生難題。對於一個多星期後發表嘅首份《施政報告》，佢表示有廣泛聽取和收集民意，將會闡述佢嘅施政理念同政策。
正如李家超特首喺最後提及到嘅，「為市民謀幸福，為香港謀發展」，希望喺李家超為首嘅特區政府管治團隊帶領下，可以急民所急，解決民生難題，造福香港！
原圖：香港旅發局、星島日報
https://www.discoverhongkong.com/tc/hktb/about.html
投票已截止，多謝支持
返回
