英國這個冬天真太冷？！俄烏戰爭膠著，歐洲面臨嚴重能源危機，英國當局打定輸數，英國國家電網公司「溫馨提示」國民，如果天然氣供應不足，今個冬天將要遭遇間歇性停電，每次停電最長可達3粒鍾。稍稍值得「安慰」嘅係，英國國家電網會提前一日通知畀大家，等大家可以有充分嘅心理準備，真係想唔知讚你唔讚你好！但身為香港人，小編更加關心，唔知移英黃絲怕唔怕凍呢？

英國國家電網公司表示，冬天困難要停電嘅最大原因係受俄烏衝突影響。雖然英國國家電網表示，英國受俄羅斯天然氣嘅依賴較細，但可能會受到歐洲其他國家嘅能源供應不足問題影響。雖然壞消息滿滿，但政府發言人都有出嚟「耍冧」，話會盡一切可能保障英國家庭用戶喺冬天嘅用電。

對於喺天氣比較溫暖嘅香港生活慣嘅黃絲嚟講，英國濕凍嘅冬天究竟點算好？你知啦，啱啱就有移英黃絲分享，冬天好難捱，入秋天氣已經好凍，又話冬天成日落雨兼打風。不過佢話「一定唔會」後悔去英國，因為英國有最重要嘅係「自由空氣」，又話小朋友讀書開心，冇喺香港咁大壓力，仲話「無所謂紅色思想洗腦已經好好」喎。

英國冬天點凍都好，移英黃絲最擅長圍爐取暖，應該冇事掛？祝佢哋大步檻過啦。

原圖：素材網