俗語有云：自己選擇的路，跪著也要走完！有港女就喺社交媒體度發帖大呻話，自己用家屬身份跟男朋友移英，但去到之後發現男友懶懶閒，藉故唔肯搵工，搞到佢要打三份工養家。24歲嘅佢於是問網友（或係問自己），究竟應唔應該為咗個BNO Visa而咁樣繼續落去。自己嘅人生，真係要自己決定！

呢位女網友喺帖文表示，抵英之後，男朋友各種理由唔去搵工，足足9個月冇正式收入；唔搵工不突止，連家務事都唔理。當佢提及呢方面嘅問題，佢男友就用返港嚟嚇佢，仲話要取消佢個visa，但佢唔想咁樣捱多5年攞到身份，於是發帖向網友咨詢。佢仲強調，佢唔係要「公審」男友，而係想知道如果冇咗男友呢重關係，佢嘅visa仲有冇得繼續。

帖文瞬間有共鳴，有唔少網民留言畀建議。有網民就勸呢位女網友「走啦，不要為咗個廢人而浪費一生」，仲有人就勸佢先24歲女，走得梗係走，唔好浪費自己嘅青春。大家都講得好有道理！

條路始終係自己揀，究竟點行，都係要呢位港女自己決定！但既然移民，就應該係覺得香港唔再夠好，千算萬算，都唔應該返香港掛？

原圖：素材網