希望受傷的哥早日康復！香港今日（30日）天雨路滑，下午5點幾，位於告士打道近隧道入口處嘅休憩花園外，有兩架的士相撞，兩位司機落車理論，突然間其中一位司機不知何故暈倒。好在咁啱有警車駛經此地，車上警員立即落車，為倒地的司機急救，有熱心市民上前支援。救護車隨後到場將司機送院，據了解呢位司機經搶救後已經甦醒。
消息指，途徑事發現場嘅係兩位來自反恐特勤隊（CTRU）警員，佢哋冒住雨喺現場，為司機做咗20分鐘心肺復甦術（CPR）等嘅急救程序，隨後急救車將的士司機上車送往律敦治醫院急症室進行搶救。司機約於半小時後甦醒，闖出鬼門關！
希望呢位的士司機可以早日康復之餘，亦要大讚及時施救嘅兩位警員！幸好有你哋幫手，成功搶贏死神，令司機脫離生命危險，抵讚！
原圖：HKG報
投票已截止，多謝支持
返回
