黃人唔知係咪撐黑暴撐到黑氣纏身，佢哋喺香港時，香港就咩衰嘢都可以發生，反修例期間罷工罷到全港停擺，破壞事件無日無之！好喇，《港區國安法》落實之後，黃人走咗一大堆，香港先叫做回吓氣，開始慢慢恢復正常。

不過，啲黑氣就好似跟咗黃人過英國咁！截至今年上半年，已經有逾13萬人移居英國，咁多人，會唔會踩斷咗大不烈顛條龍脈呢？

你睇呢一兩年嚟，英國啲消息幾乎冇單好嘢，通脹40年來高位首次升破雙位數，今年7月按年升幅達到10.1%，英倫銀行估計，到10月調整能源價格上限時，分分鐘會升到13.3%。

通脹暴升，零售銷售則暴跌，8月份下跌率達到5.4%，德意志銀行預料英國經濟第2季按季收縮13%，陷入長期衰退似乎已成定局，甚至可能超越上世紀30年代嘅經濟大蕭條。

BNO 5+1計劃收咗十幾萬移民後，英國有冇好過？冇！難免令人聯想到，係咪黃友腳頭唔好呢？如果係，佢哋就認真陀衰家！

移民變共渡時艱

拎住本BNO諗住可以用超低門檻移民，過去享受宗主國嘅自由空氣，仲要聽到班前輩起勢話英國環境好，住又平食又平，肯做唔愁搵唔到工，卒之呢？Oh，遇上百年大蕭條，要陪英國齊上齊落共渡時艱。

呢個大蕭條可能會變巨蕭條，事關英國新財相關浩霆諗到條絕世好橋去救巿，就係「減稅」！包括下調個人所得稅的基本稅率、凍結企業稅、削減物業印花稅、取消銀行業獎金上限、能源帳單補貼計劃等，希望能夠刺激經濟。另外，今個財政年度仲會提高發債目標45%至2341億英鎊。

減稅令政府少咗收入，仲要借貸增加利息支出，呢條數到底點計出嚟？仲要未見其利先見其弊，英鎊匯價率先插水，通脹極有可能再飆升，呢個救亡行動，分分鐘越救越快亡，喺英國嘅黃友見到現實不似預期，唯有唱返句「不知點算好」啦！

原圖：Kwasi Kwarteng Twitter

https://twitter.com/KwasiKwarteng/status/1552211744499634176?t=MKMS8R9Ljk6QXclJHFNeGw&s=08