以美國為首嘅西方國家，一直都當中國係佢哋本國嘅假想敵，近年呢個勢更有有增無減。上任德國總理未滿一年嘅朔爾茨，更係喺同中國疏遠嘅道路上漸行漸遠。佢上台後，德國政府就大力推行「降低對華依賴」嘅政策；唔係所有德企都認同，漢堡港口與物流公司（德國漢堡港務集團）市場總監馬特恩出嚟拆台咁話：拒絕中國人，對於德國將會係一場災難！

是咁的，原來早喺上年9月，中國企業中遠海運就同漢堡港口與物流公司傾掂數，作價6500萬歐元嘅價錢收購35%股份；原本雙方喺今年6月頭已經傾得七七八八，但近日有傳媒報道話，德國經濟部聯同外交部可能會否決呢宗買賣。對於德國政府梗係冇所謂，但對於德國企業，係錯過一個難得嘅商機！

對於呢件事，德國經濟部長哈貝克日前就話，同中國貿易往來「不再天真」，擺明車馬同中國對著幹咁。漢堡港口與物流公司馬特恩就警告德國政府唔好多事，「拒絕中國人，不僅對港口而且對德國都或將是一場災難」。

呢位市場總監有見地！朔爾茨政府上晒腦，事事玩政治，干預德國企業與中國企業嘅正常商業往來，阻礙德國企業發展嘅同時，對德國經濟亦絕對有害！

原圖：漢堡港口與物流公司官網圖片、朔爾茨Twitter圖片

https://hhla.de/en/media/news/detail-view/hhla-and-eurogate-make-joint-declaration

https://twitter.com/Bundeskanzler/status/1568264998446632961/photo/1