47名攬炒派人士涉組織及參與非法初選，被控「串謀顛覆國家政權」罪，數數吓，由檢控起計至今都超過1年半，有還押友開始唔耐煩了。溫馨提醒，2022年7月完成交付高院程序，其中29人擬認罪，但就有18人擬不認罪。 

擬認罪嘅劉頴匡、王百羽昨日喺高等法院進行案件管理聆訊，商討求情及判刑等等嘅事。劉頴匡就話，舊年遭撤銷法援、沒有律師代表，因此會「單拖一條友」自行求情，並指「大家都係中國人」，希望以中文聆訊，以體現國家安全精神，可惜就被法官拒絕咗。

另一亮點係，大家都關注嘅判刑時間，劉頴匡引用《國安法》第42條，處理羈押、審理期限等方面的規定時，要講到要「及時辦理」，仲大大聲講句「盡快及時懲治我哋呢啲罪犯」，即審訊前判刑才符合《國安法》第42條原則。

雖然劉頴匡口水多多，但法官陳嘉信亦有表示，法庭無意在庭上討論法律原則，亦話處理案件時亦須考慮公正性。

原圖：星島日報

https://std.stheadline.com/sc/realtime/article/1184275/