黃店阿布泰再惹官非，創辦人林景楠周身蟻！繼2021年4月因貨品沒有依照《消費品安全條例》貼上中英文標籤提醒消費者後，阿布泰國生活百貨近日再惹事上身。創辦人林景楠昨日（8日）在其社交平台發文表示，上周接獲半島酒店母公司「香港上海大酒店」律師信函，指阿布泰在「未獲授權」情況下擅自出售曼谷半島酒店月餅，海關到場拘捕3名阿布泰店員。
阿布泰創辦人林景楠上載「香港上海大酒店有限公司」給予阿布泰的信件照片，佢喺發文講咗一個事實就係，阿布泰被指在未獲授權情況下銷售曼谷半島月餅。冇錯！係未獲授權！
林景楠先戴定頭盔咁表示，阿布泰銷售逾3000款泰國產品，均由泰國「合法採購，合法出口，並於香港合法進口和銷售」，隨後佢攞香港做擋箭牌，話香港貿易之都，喺自由銷售嘅原則下，暫時唔會回應信件。
佢仲話，成件事屬商業糾紛，「是半島香港與半島曼谷之間的溝通問題」。佢指責有人「利用法律條文」，舉報佢哋作出虛假陳述及產品質量有問題，導致3名阿布泰員工被捕。佢表示，公司會支援及承擔員工嘅所有費用。
林景楠仲表示，由於曼谷半島月餅陷入「商業糾紛」，所以會停售有關月餅，並捐贈畀慈善機構。
一句講晒，支持海關執法！
原圖：林景楠FB
投票已截止，多謝支持
返回
