示威當食生菜嘅搞事團體社民連，而家就連擺返幾圍都唔得！話說社民連原訂本周六（20 日）喺倫敦大酒樓舉辦已經3年冇搞嘅會慶晚宴，但突然收到酒樓通知話就酒席取消，酒樓方面冇解釋原因。社民連主席陳寶瑩自然唔開心，話對酒樓嘅決心感到無奈，但會表示理解咁話。
社民連主席陳寶瑩今日（18日）喺社民連社交專頁發表聲明表示，因疫情及其他原因，社民連會慶已經停辦三年，原本諗住今個周六「與義工友好聚首一堂，互相打氣加油」，但又突然收到酒樓總經理電話話要取消，「我們相信酒樓應受某方面的壓力」，對酒樓嘅決定深感無奈，「也對香港如今容不下一個政治團體的聯誼活動感到遺憾」。
社民連近期由於資金短缺，已經要四處撲水籌款，而家冇得去酒樓食飯搞慶祝，真係慘囉！
原圖：星島日報
投票已截止，多謝支持
返回
