大家等到頸都長嘅《無窮之路2》終於來啦！大受歡迎嘅紀錄片《無窮之路》第二輯《無價之保》敲定喺本月25號開播，逢周四、五晚喺無綫翡翠台及「埋堆堆APP」都有得睇！

上一輯主力講中國脫貧之路，今輯方向似乎轉咗去環境保育，所以名為《無價之保》！其實近年中國花咗好多時間心機去保護環境，相信呢個節目可以帶觀眾睇到國家如何為祖國美麗嘅大好河山所做嘅保育工程，繼續說好中國嘅故事。

從宣傳片睇到，呢次《無價之保》嘅拍攝從內地最北拍到最南。製作組走遍國內多個地方，包括青海、雲南、新疆、內蒙等地。經歷過零下幾十度的大山風雪、再體驗過喺三十多度嘅烈日下潛水，亦有了解之前雲南野象遷徙嘅保育。或者大家可能比較少接觸中國保育方面嘅成績，相信呢輯節目可以將佢哋一一呈現喺你眼前。

上一輯《無窮之路》，製作團隊走訪咗內地曾深度貧困嘅地區，深入了解其振興發展之路，記錄國家點樣走出一條自己的無「窮」之路。節目推出之後大受歡迎，更先後入選國家廣電總局頒發的2021年度優秀海外傳播作品，獲紐約電視電影節最佳節目敘述組別銅獎及「中國十大紀錄片推動者」大獎。

節目主持陳貝兒亦憑藉深入實地取材的無懼精神，當選為「感動中國2021年度人物」。但佢話拍攝節目後，佢自己先係被感動嘅人。佢更鼓勵香港青年多返內地，多看、多了解、多交流、多感受，走出一條屬於自己嘅「無窮之路」。親身體驗，一定比道聽途說更好。

相信大家都急不及待等緊第二輯開播，到時記得擔定櫈仔一齊睇啦！

原圖：陳貝兒facebook、文匯報

https://zh-hk.facebook.com/missjanischan/photos

https://www.wenweipo.com/a/202208/08/AP62f0e794e4b033218a5c270b.html