近年唔少港人移民英國，當正當地係天堂咁，但原來唔係喎！最近英國電費激增，民間組織Don't Pay UK就發起聯署抗議，叫人賴帳唔找數，以此威迫政府出手降低家庭能源費用。

由於俄羅斯限制能源供應，英國能源價格持續上漲。預計到今年10月，普通家庭每年的能源賬單上限將從1971鎊提升至3000鎊以上，情況更可能會持續到2024年。Don't Pay UK估計，英國今年冬天將有數百萬人無力負擔高昂的能源帳單，因此發起是次呼籲民眾拒交能源費用的聯署行動，目前已有近10萬人響應。該組織稱，只要達到齊集100萬人聯署的目標，就會發動大規模「走數」，藉此逼迫政府及能源公司做嘢。

英政府鬧爆「不負責任」

英政府發言人表示，此事最終只會提高其他消費者的能源價格，更會影響到參與者的個人信用，痛批這場運動「非常不負責任」。發言人強調，任何政府都無法控制全球天然氣價格。英媒亦引述律師指，拒交帳單或會影響當事人的個人信用評級，關係到將來買房、租房，甚至繼續獲得天然氣和電力供應都可能成為問題。

此外，英國公益組織Citizens Advice表示，若民眾唔交電費，能源公司有可能向法院申請搜查令，進入欠款人住所安裝預繳電錶。電錶每周自動扣錢，民眾須定期幫電錶充值，否則會自動斷電。

自由國度喎，梗係自己搞掂啦！唔想畀電費，就叫政府出手，咁都得？話時話，如果有移英港人畀唔起昂貴嘅電費，要喺冇暖氣嘅情況下捱過寒冬，都幾慘慘豬喎！

原圖：素材網