佩洛西嗰頭高調訪台，搞到台海局勢七國咁亂，嗰頭屋企「後院起火」！美國眾議院議長佩洛西（Nancy Pelosi）呢排高調展開緊佢嘅亞洲之行，噚日（3日）仲去咗台灣。點知就畀媒體踢爆原來佢老公保羅•佩洛西（Paul Pelosi）因酒駕被捕期間，體內被檢測出有毒品喎！

據悉，5月28日夜晚，保羅喺在加利福尼亞州所駕駛嘅保時捷同一架吉普車相撞，後者司機受傷。聽聞保羅被捕時口齒不清，甚至喺警察問佢攞身份證時，他仲拎出咗一張基金會卡，好似唔知自己做緊咩。保羅其後畀咗5,000美金保釋金，於翌日被釋放。

當地法院噚日審理案件，據媒體報道，保羅被控酒後駕駛導致受傷、駕駛時血液酒精濃度0.08%或以上引致傷害兩項罪名。佢冇出庭應訊，但透過代表律師否認控罪。案件將繼續審理，下一次出庭日期為23日。一旦罪名成立，保羅將會入獄五天及假釋最多五年，亦需要接受駕駛課程，並喺在車上安裝酒精鎖。

老婆一意孤行搞政治騷，老公可能就醉酒開車撞人，呢對夫妻真係一擔擔！等佩洛西「環遊亞洲」後返美國，可能要去監獄撈人喎！哈哈！

原圖：文匯報

https://www.wenweipo.com/a/202208/03/AP62e9bdf9e4b033218a5b14db.html