受市民愛戴嘅鄧炳強「上線」啦！日前，保安局局長鄧炳強開設咗Facebook同埋Instagram嘅官方帳號，帖文寫話「日後我將會喺社交平台同大家分享生活同工作動態，亦會睇你哋嘅留言」，仲提大家記得follow佢添！
鄧炳強亦相當謙虛咁喺tag寫「新手上路多多包涵」。雖然佢可能仲未習慣用社交平台，不過佢另一個tag話「要返去同阿囡求教」；有乖女教路，相信鄧炳強一定好快適應多姿多彩嘅新媒體。我哋以後可以不時喺社交平台上，了解更多呢位率領各大紀律部隊嘅局長嘅日常生活同埋工作情況啦！
向來以親民見稱嘅鄧炳強，甫上線即大受市民歡迎。淨係Facebook，而家已經有超過9,000個followers，認真強勁！大家follow咗未呀？
原圖：
投票已截止，多謝支持
返回
