英國首相約翰遜被下台，保守黨黨魁一職就引來激烈競爭，而候選人之中，頭號大熱人物就係前財相辛偉誠。日前辛偉誠喺一場電視辯論上主力打中國牌，發表咗針對中國嘅計劃，話自己當選之後，就會關閉英國境內全部孔子學院，承諾會擴大軍情五處支援英國企業同大學去應對中國間諜活動，同時會研究有冇需要禁止中國收購英國關鍵資產，並呼籲成立一個「北約式」的新聯盟應對中國。

講咗咁多，唔知辛偉誠係咪因為知道黨內民調數據反映佢嘅支持度落後外相卓慧思，於是決定對華「鬥狠」，務求挽回英國國民嘅支持呢？

另外，中國外交部發言人趙立堅都有回應，有關英國保守黨黨首選舉嘅事，就不予評論，但佢奉勸英國個別政客，動輒拿中國說事、鼓譟所謂「中國威脅論」等不負責任嘅言論，並不能解決自己的問題。

聲大大要打中國牌，若然畀呢啲人做到首相，更顯出西方政棍荒唐！

原圖：外交部圖片、Rishi Sunak twitter圖片

https://twitter.com/RishiSunak/status/1443250382927536141