俄烏戰爭已經持續咗5個月，普京今年二月宣布對烏克蘭發動「特別軍事行動」以來，論者指戰爭嘅激烈度和規範，遠超2014年發生係烏克蘭東部地區嘅局部衝突，也非2008年俄羅斯與格魯吉亞戰爭與上世紀90年代嘅巴爾幹島危機可比。

眾所周知，烏克蘭可以打到今仍負隅頑抗，全靠美國及歐盟諸國大力武器及金錢支援。幾日前美國眾議院軍事委員會主席史密斯率領跨黨派代表團到訪基輔，烏克蘭總統澤連斯基連忙接見，感謝美國提供防衛援助，並向拜登總統及國會致謝。史密斯稱，美國及盟友可向烏克蘭提供30套多管火箭系統，但冇透露時間表。

澤連斯基一味呻俄羅斯不守糧食協議，向烏克蘭尤其係敖德薩港口發射大量導彈，烏克蘭有必要透過適當步驟「收復失地」云云。當然，佢要求獲得至少50套M142高機動多管火箭系統（HIMARS)及M270多管火箭系統。美國暫時提供16套HIMARS，英、德及挪威共提供9套M270。

高機動性多管火箭系統（HIMARS)配備有全球定位系統（GPS)導航嘅火箭炮，比俄羅斯類似嘅系統有更高嘅準確度。

澤連斯基不斷苛索武器和金錢，美歐各國未知會否覺得「長貧難顧」？

講真，俄羅斯畢竟係核武強國，外界預料俄軍將發動範圍更廣泛嘅攻勢。以普京強悍嘅性格，根本不會怕美國及西方制裁。正如美國有學者指出，作為戰爭「解毒劑」嘅制裁，如今早已變味，西方制裁支持者現在面臨嘅係自己釀造嘅僵局，佢哋對經濟武器嘅肆意濫用，非但冇緩解緊張局勢，反而惡化咗佢本應解決嘅衝突！

自俄烏開戰以來，中國一直鼓勵和支持和平解決呢場危機，體現負責任嘅大國形象，防止世界陷入核威懾嘅安全困境，正是合乎「和平發展、合作共贏」嘅人間正道！

原圖： 新華社圖片