黃友為咗「自由」，選擇離港移民，但仲想享受香港福利，有冇搞錯？全國政協副主席梁振英（CY）噚日（19日）喺社交平台發帖，批英國本土問題多籮籮，但「連登仔和高登仔跳出來，也只能顧左右而言他」。CY又串呢班移英港人，話佢哋「不僅不肯將香港身份證退還，如果要簽承諾書，承諾以後不會用香港的醫療服務，肯定也不願意」，真係講得好應呀！

為咗奔向佢哋心中嘅「自由國度」英國，不時有黃友賣慘話自己捨棄高薪厚職移居英國。但佢哋可以拋棄家人、朋友，唯獨唔會拋棄香港身份證，皆因佢哋都知香港居民嘅身份好處多多，其中一項就係平價政府醫療服務；外國睇醫生幾咁貴，藥費就更加「襟計」，黃友唔傻得晒，好識計數喎！CY近來仲喺社交平台同大家分享英國各種問題，如「管治問題、道德問題、民生問題、教育問題、醫療問題、國力問題、國際形象等一大堆問題」，不過黃友從來都係「選擇性失明」啫！

此外，CY又澄清自己一家都冇英國護照。佢喺帖文話，「我從來沒有任何外國國籍（為什麼要有？），我的三個子女也從來沒有任何外國國籍，我太太幾十年前的英國護照，回歸後就沒有用，到期後也沒有續，後來更正式辦手續撇清了，我一家人持的就只有中華人民共和國香港特別行政區護照。」完全係打臉某啲想攞國籍問題挑機嘅黃友！

只要冇犯法，港人從來都係來去自由。既然有人選擇走佬，就應該取消埋佢哋嘅港人身份啦！